陳慧珊（Flora）與岑麗香前晚出席劇集《女人俱樂部》首映會，飾演奸角的Flora坦言角色好玩：「因為TVB通常都係搵我做啲討好嘅角色，我睇番劇本就覺得個女仔好值得同情。（跳咗Part勁舞！）係呀！我淨係練咗個幾兩個鐘就要拍，不過到埋位時導演先話要框住我喺一個好細嘅位跳晒幾Part舞，好困難。」正攻讀碩士學位的她透露將會返內地拍劇及交功課：「都會盡量支持套劇宣傳。」

在劇中舞技出色的香香其實手腳不協調。

落力宣傳新劇的Flora（右）與劇中的「年輕版」陳瀅合照。

至於香香亦在劇中以小背心上陣大跳健身舞，她笑言手腳不協調：「因為我跳舞麻麻，但角色講我跳舞好叻，乜舞都識。（老師教到好勞氣？）冇，佢哋有晒心理準備知我跳得差，好細心咁教我點樣扭得靚啲。」