李麗珍、李若彤、袁潔瑩、許亦妮和張嘉兒等兩代女星前晚為新劇《女人俱樂部》在戲院包場搞首映兼行紅地氈，場面熱鬧，「咪神」許亦妮以性感谷胸力戰80年代「少女組」袁潔瑩的透視誘惑，吸睛指數爆燈！

谷胸的許亦妮與透視的袁潔瑩搶盡「峰」頭。

袁潔瑩

李若彤向志偉送「Birthday Kiss」。

李麗珍（左）與劇中的「年輕版」王敏奕合照，似唔似樣呢？

張慧儀（左起）、陳慧珊、李若彤、李麗珍、袁潔瑩、葉蘊儀及江欣燕各具美態。

無綫重頭劇《女人俱樂部》今晚首播，前晚大批演員包括李若彤、李麗珍、陳慧珊、張慧儀、江欣燕、袁潔瑩和葉蘊儀等，帶同她們於劇中的「年輕版」陳嘉寶、王敏奕、陳瀅、吳嘉熙、黃山怡（糖妹）、賴慰玲和吳燕菁齊齊為《女》劇造勢，她們出席在戲院舉行的首映，並於紅地氈上與前來撐場的高海寧、許亦妮和張嘉兒爭妍鬥麗，其中「咪神」許亦妮以性感谷胸裙力戰80年代「少女組」袁潔瑩的透視誘惑，其黑Bra黑底若隱若現，吸睛指數爆燈。大會亦趁機為本月生日的監製曾志偉及陳維冠慶祝，而志偉好友李若彤則應要求送「Birthday Kiss」。

珍妹即飛鄭敬基

《女》劇首映的30分鐘精華片段中見到李麗珍挑逗吳啟華，又濕吻鄭敬基，見慣大場面的她笑說：「咀咗少少啦！因為係講同敬基廿幾年後重逢，佢又係我BB爸爸，好重要。（耐冇拍咀戲？）都好耐吓。（尷尬？）唔會，演員嚟o架嘛，要投入角色，拍嗰時我真係好鍾意佢，拍完之後就即刻唔鍾意。」而張慧儀受訪時否認早前有報道指某富商因不接受其養子而拒絕富商追求：「冇，我唔覺得有人追，依然係一個人，返嚟拍劇呢段時間都多咗雜誌影我同個仔。（搵適合對象唔容易？）同我價值觀相近又接受到我個仔嘅係唔容易有，目前都係冇嘅。」