許廷鏗（Alfred）和胡鴻鈞（Hubert）在活動中上演一場「人氣激鬥」！兩邊粉絲分別組成「藍衫軍」和「黃衫軍」，Alfred派復活蛋時粉絲搏命搶，為偶像贏到不少面子，輪到胡鴻鈞時「黃衫軍」卻零反應，令偶像相當尷尬！

許廷鏗

胡鴻鈞派蛋時粉絲零反應，冇晒面子的他表情尷尬，反而威盡的許廷鏗極為風騷！

胡鴻鈞派蛋時身邊只得陪伴的工作人員，陰功！

許廷鏗（箭嘴示）行落粉絲堆派復活蛋，即惹來一陣起哄瘋搶！

許廷鏗和胡鴻鈞昨日一同到Citywalk出席活動，兩人各有數十名Fans撐場，分成藍黃陣形，由開場到結束都鬥得難分難解！由Alfred粉絲組成的「藍衫軍」先搶得場內的座位，反而Hubert粉絲組成的「黃衫軍」只能在欄杆外排開，雖然兩邊粉絲數目相若，但近水樓台先得月，在揀現場觀眾上台玩遊戲時，取得有利位置的「藍衫軍」成功贏得四席位，反之「黃衫軍」只能在遠處吶喊助威，「藍衫軍」先小勝一仗。

粉絲喪叫搶靚位

到兩人分別獻唱完畢，兩邊Fans都出盡力尖叫為偶像造勢，「藍衫軍」更帶來大旗和Alfred畫像，氣勢強勁，不過「黃衫軍」的氣勢也不弱，這局可算平分秋色。

最後一回合，兩人到台下派復活蛋，Alfred識做地行去Fans堆，令「藍衫軍」瘋狂搶蛋，完全供不應求！反之「黃衫軍」可能有感與偶像距離太遠而水靜河飛，即使Hubert開聲問：「有邊個想要呀？」也完全沒有反應，令Hubert氣勢受挫。

不過「藍黃鬥法」並沒有影響兩人友情，他們並肩受訪時，Hubert表示已移民澳洲的姊姊回港十日，要幫她「補鐘」練車，問他駕車技術如何？Alfred即幫口：「我坐過係OK嘅！」他又指和哥哥生日只差十天：「不過由細到大都係分開慶祝，可以食兩次蛋糕，尤其我咁為食！」