歌手JW剛推出全新快歌《I Need a Friend》，一改以往形象染了一頭金黃色頭髮示人，令人耳目一新。

以新髮型示人的JW，現身電台宣傳新歌。

她昨日現身電台宣傳時表示，對新形象相當滿意：「新髮型係馬天佑建議，想有啲新鮮感畀大家，足足漂咗兩日先有呢個效果。」

此外，JW今次邀得大班男士參演其MV，當中更有兩男咀嘴的鏡頭，她說：「首歌係想表達世界大同，希望大家包容所有唔同嘅人，即使對方係Gay都會接受。」問到為何沒有咀嘴戲份？她說：「今次冇我份，留番下次自己有情歌先。」