劉丹新抱楊冪預產期為6月底，現正在丹爺家中養胎待產，卻被指脾氣大令老爺怕怕兼避走，劉丹昨日挺身而出力撐與新抱相處融洽：「新抱陰聲細氣，邊惡得出樣。」還指新抱為避追訪，情願留家「求神拜佛」。

老爺劉丹為新抱楊冪平反，讚她溫柔又是佛教徒，唔惡得出樣！

劉丹

楊卓娜與蔣家旻（圖）配合復活節，扮成兔女郎玩遊戲谷劇。

楊卓娜

無綫處境劇《愛．回家》演員劉丹、姚瑩瑩、蔣家旻、楊卓娜與莊思明等昨日到馬鞍山宣傳，近日劉丹被指怕了惡新抱楊冪而避之則吉，他受訪時急急澄清：「得啖笑啦！啲報道亂咁寫，我哋相處得好開心，新抱都知咩事，冇唔開心，新抱仲講笑話都唔知自己原來咁惡。新抱講句嘢都陰聲細氣，邊惡得出樣呀！（楊冪等新居裝修好就搬走？）梗係唔同我哋住啦！依家阿威（劉愷威）唔喺香港，等阿威五月拍劇返嚟，佢哋鍾意住邊都得，我哋冇乜所謂。」

腹大便便的楊冪預產期為6月底，現正在老爺家中養胎，但為怕被追訪，她情願留在屋企，劉丹說：「佢係好虔誠嘅佛教徒，早晚都會做功課唸佛，樓下成日都有兩、三架採訪車等佢，所以都費事出街。（仔定女？）唔講住保持神秘，到時整個有獎遊戲畀大家估吓，依家諗緊名，好大責任。」

蔣家旻輸獎心服口服

至於憑電影《第一次不是你》提名金像獎「最佳新演員」的蔣家旻，對落敗表示沒有失望，因一直睇好蔡瀚億大熱得獎，認為賽果實至名歸，並透露會照舊請《愛》劇演員食飯答謝支持，而莊思明坦言羨慕蔣家旻有機會拍電影，還自爆因姊姊莊思敏的關係，與導演葉念琛有一面之緣。

另外，姚瑩瑩帶同可愛兒子亮相，但她現時最頭痛是為兒子安排復活節節目。