出爐影帝張家輝昨晚出席公開活動，名單上的劉青雲則缺席，太太郭藹明「代夫出征」。在場人士紛紛恭賀張家輝膺帝之喜，問到丈夫劉青雲是否對失落影帝感失望？郭藹明笑稱老公「經驗豐富」。

出爐影帝張家輝不欲鋪張慶祝，得獎後如常開工。

壽星陳自強獲不少朋友到賀。

家輝獲學友送抱賀稱帝。

郭藹明「代夫出征」，並取笑老公青雲習慣失落影帝寶座。

為慶祝金牌經理人陳自強主理的創意概念店Konzepp三周年及Pop Up店開幕，大會邀得出爐影帝張家輝、張學友、惠英紅及林家棟等昨晚出席活動，並即場為陳自強慶生，由肥媽獻唱助興，場面熱鬧。原本在出席嘉賓名單上的劉青雲缺席，由太太郭藹明「代夫出征」，她甫見家輝即大叫「影帝」，然後搭晒膊頭合照。提到老公劉青雲未有到場，郭藹明說：「佢有事嚟唔到。（失落影帝，覺得失望？）都冇嘅，又唔係第一次。有得亦有失，佢經驗豐富。我都冇失望，我哋都係估張家輝拎！」

問到稱帝後有何慶祝活動？張家輝笑說：「唔明點解你哋會覺得我係風花雪月、群鶯亂舞！我只係同林超賢仲有彭于晏打個邊爐，其餘時間都係工作同喺屋企，今次攞獎已經開心，唔使食足七日七夜、大鑼大鼓！」

難忘田徑場奪冠

此外，他憶述當年在女兒就讀BB班時參加陸運會，並於賽跑中勝出，當時得到金牌比成為金像影帝更開心，他說：「要多謝杜琪峯，拍戲時訓練到我好似電兔咁喪跑！」他又透露復活節將與家人旅行慶祝。

另外，邵美琪與男友施祖男結伴到場，並表示因工作太忙未能抽空出埠，施祖男說：「下星期有部美國電影會拎劇本過嚟畀我睇，依家操Fit緊。（操人魚線？）唔講呢啲，自己練自己。」