「九阿哥」黃建東「醜」上癮

無綫藝人黃建東（Derek）早前因拍攝劇集《食為奴》飾演奸角「九阿哥」，而被網友喪鬧「超樣衰」，近日他客串兒童節目《猩猩同學會》時「醜上癮」主動扮醜，他說：「今次扮醜樣宅男，要戴一款好深嘅近視鏡，我仲中間分界兼唔剃鬚，平時如果我係咁嘅樣，死都唔會出街，更遑論上電視！今次都算係小突破！（唔怕網友再啄住你外貌嚟鬧？）其實《食為奴》都播完一段時間，依家仲有人去我微博度人身攻擊，我已經學識欣然接受，有人留意始終係好事，開心嘅係有時我出去做活動司儀，有人會走埋嚟同我講：『九阿哥，我勁憎你囉！不過你真人好樣少少，都Nice嘅！』我當係對我演出嘅讚賞，會繼續努力演好每個角色！」