吳卓羲險變「獨眼龍」
拍過不少警察故事的吳卓羲，對於動作戲可謂駕輕就熟，但意外往往無法估計！他在拍攝電視劇《叛逃》時卻被鐵枝插眼，幾乎變成「獨眼神探」﹗
吳卓羲在拍《叛逃》時遭鐵枝插眼，險變「獨眼龍」。
對於扮演警察，吳卓羲笑言早已駕輕就熟。
吳卓羲（左）與陳展鵬（右）在劇中扮演兄弟，盡顯手足之情。
吳卓羲與陳茵媺在劇中不乏對手戲。
吳卓羲扮演過不少警察角色，由《學警雄心》到《法證先鋒》系列，都可以見到他的蹤影！最近熱播的無綫劇集《叛逃》中，他再扮演警察特種部隊，難怪他笑言是開埠以來扮演得最多警察的藝員。但扮演過不同警察的吳卓羲卻認為他並不像日常看到的警察，可能是長扮長有而累積下來的螢幕印象，觀眾一看就有共鳴，問到是否會扮到悶，他說：「唔會，其實次次都唔同，扮演唔同崗位嘅警察，可能係因為做開，同埋監製鍾意用我兼覺得我易上手，加上基本嘅警察知識我都知！」
警察達人周身傷
雖然吳卓羲扮過無數次警察，但《叛逃》中的角色絕對是最辛苦的一次，拍攝時更發生意外，幾乎變成「獨眼神探」的他說：「呢套戲三年前拍，嗰段時間係香港最熱嘅日子，每日都成34、35度，我哋仲要Full Gear着晒反恐裝備開工，動作戲基本上都係親身上陣，所以每一日啲衫都係濕完又乾、乾完又濕，有次拍我哋接受訓練爬木樁嘅戲份，一轉身就畀條鐵枝插到隻眼，當時以為會眼角膜脫落，好彩只係傷咗啲組織，如果咁樣盲咗就唔抵喇！」
由舞蹈員到拍劇，出道多年的吳卓羲換來的是名成利就，但他卻笑言換來的只是一身傷：「我哋呢啲小演員冇得揀，同埋拍動作戲根本冇得避免，就算拍笑片都會有動作場面啦！所以邊有得避？」
