黎耀祥、邵美琪、胡定欣、陳凱琳及蔡思貝等昨日出席新劇《商戰》的拜神儀式，黎耀祥為新劇剪了個「都敏俊頭」，又每日勤力敷Mask以迎合劇中的靚人靚景！

黎耀祥為新劇的型男角色剪齊蔭，更大爆日日敷面膜，非常姿整！

葉翠翠昨日以清爽短裙造型現身，令人眼前一亮！

港姐陳凱琳（左）及蔡思貝齊齊拍劇，她們表示少有對手戲。

一眾演員昨日於電視城為新劇《商戰》參加拜神儀式。

新劇《商戰》昨日於電視城舉行拜神儀式，一眾演員包括黎耀祥（祥仔）、邵美琪及胡定欣等均有出席，在新劇中飾演商業奇才的祥仔表示為配合今次的靚人靚景，特地剪了個「都敏俊頭」演好型男角色：「拍劇拍足三十幾年都未試過咁姿整！（所以剪齊蔭？）拍完每個鏡頭都去照鏡！（老婆話你貪靚？）有呀，成日去做Facial同拎佢啲面膜敷！」問到是否為了追上韓風潮流而拍時，他即時否認：「追就追唔到，但可以提高香港嘅水準！」

港姐首次拍劇

同場的港姐陳凱琳則表示第一次拍劇做自己很難，不過父母會在家跟她練對白，背熟對白未有太多NG。蔡思貝則表示拍劇不辛苦，認為得到的經歷與選港姐不同，她說：「我哋好少對手戲，但角色會互相影響！（拍劇時太熟會笑？）唔會，熟先見到最舒服嘅一面！」