王梓軒前晚為餐館的開幕禮表演「飲食人生音樂大擊奏」，梓軒的落力表演得到老闆賞識，更當住梓軒的父母及緋聞女友石祐珊面前，打趣叫梓軒順便打包埋個女走，搞到他勁尷尬傻笑說：「我打包啲食物啦！」

王梓軒又唱又跳，落力表演。

王梓軒唔敢「打包」老細女，影張相就冇問題。

事後梓軒笑說：「真係估佢唔到，其實佢個女同我細佬熟啲。（門當戶對？）人哋係CEO我打工咋！不過佢樣樣都身體力行，之前有睇我哋綵排。（係咪日久生情？）我好尊敬佢！」

另外，談到玩音樂，他憶述當年和朋友在美國出騷的慘況：「我哋走Tour，喺餐廳表演賺晚飯，喺酒店表演賺間房，仲要幾十人瞓埋一齊。」