雨僑前晚以See Through長裙透美腿出席汽車活動，但仍不敵同場中門大開的混血模特兒Rosemary，將於六月考車牌的雨僑揚言不用緋聞男友羅力威送車。

雨僑以See Through長裙出席Mini Cooper活動，美腿若隱若現，非常誘惑。

中門大開的Rosemary艷壓全場。

將與祖兒合作的Ken和衛詩雅大讚師姐有心又好人。

雨僑、Rosemary、黃耀明、衛詩雅、洪卓立（Ken）及剛榮升嫲嫲的戴蘊慧前晚出席Mini Cooper活動，待嫁的Rosemary穿上Deep V套裝亮相，成功揮低一眾女星，記者大讚她Sexy，Rosemary笑笑口說：「Thank You。」並表示曾在上海參加小型賽車比賽。

而晒美腿的雨僑被問到會否叫緋聞男友羅力威送車？她說：「唔會叫人送，自己賺錢買車。（有冇坐過羅力威車？）有，不過好短路程。」原本本月考車牌的她為免「肥佬」故押後到六月，問到是否冇信心？雨僑說：「做人要保持信心，不過泊車真係麻麻哋。」並自爆曾遇上發爛渣的的士司機要報警：「的士司機唔肯過海，不停拍打玻璃窗，又搵嘢掟我，最終搞到報警，佢簡直情緒失控。」

Ken喜與祖兒合作

同場的Ken日前在Facebook上載一張容祖兒留言讚其新歌好聽的相片，並開心說：「勁過攞獎。（吐氣揚眉？）係開心事，嚟緊我同祖兒有合作，同事打畀佢問佢不如幫首歌錄劇場版，佢好好一口答應，成件事好開心，好似發夢咁。而黃耀明則透露早前在個唱上行斜台時扭傷腰，即被取笑男人腰部好緊要，明哥笑說：「係，老喇！（愛人有冇呵番？）仲有公司同事呵番。」