玩飄移和甩尾玩到出神入化的錢嘉樂向來與辣車為伴，但自從愛女錢凱晴（Alyssa）出世後，有女萬事足的他放下戰車，改推BB車，不久前更豪花80萬元購入旅行車，方便寶貝女出巡。

盈盈抱着肥嘟嘟的囡囡，而嘉樂則帶齊行裝「服侍」小公主。

嘉樂邊行邊撩乖女玩，不時笑開懷。

嘉樂駕旅行車接載囡囡，車尾玻璃還貼上「Baby in car」。

「Baby in car」

錢嘉樂向來愛車，但去年老婆湯盈盈為他誕下寶貝女Alyssa後，他便化身廿四孝爸爸推BB車。日前下午3時半，嘉樂和盈盈帶愛女到中環出巡，盈盈用孭帶抱着肥嘟嘟的女兒，嘉樂則孭着背囊，幫女兒袋起所需用品，只見Alyssa一邊啜奶嘴一邊眼仔睩睩，十分可愛！嘉樂忍不住邊行邊逗女兒玩，不時流露出慈愛笑容。

一家三口逛完嬰兒用品店後便到停車場取車，由嘉樂駕駛落地不足三個月的Benz，盈盈則在後座照顧女兒，車尾玻璃更貼上「Baby in car」的貼紙提醒尾隨車輛。嘉樂為女兒花近80萬元買新車，貪車廂和車尾箱空間十足，早前他於成龍生日派對抽中「EZ3」、「EZ33」及「EZ333」三個車牌，大可掛一個在新車上，誘盈盈「生、生、生」！

記者就買新車一事致電嘉樂，他說：「買架車為咗車個女方便啲囉！旅行車後面可以放多啲嘢，加上五門方便上落！（有新車係咪可以生多啲？）再生要換架Van仔先夠坐！講真我係鍾意跑車，所以都有留番兩架跑車，得閒攞出嚟望梅止渴囉！」

怕囡囡出鏡搶食

嘉樂這個愛妻錫女的形象深入民心，獲不少老闆邀請拍廣告，盈盈笑言夫妻檔難度期，至於父女檔，嘉樂搞笑說：「囡囡個樣太似我呀！驚捧佢出嚟食埋我嗰份，我咪冇嘢做？講笑啫！其實我想佢享受童年生活，只係負責玩，拍戲太辛苦喇！佢大啲要出社會工作大壓力，依家有得玩就玩！」至於生完第一胎的盈盈雖放風想生第二胎，但剛入組拍無綫新劇《老表，你好Hea！》便被同劇演員王祖藍「喝止」而影響生育大計，她笑說：「呢啲講天意，唔到我決定！」生後密密接Job的她又說：「梗係想夫妻檔拍住上，賺多啲奶粉錢！」