張智霖昨日為七月的紅館演唱會舉行記者會，積極操肌的他在台上即場大騷「假腹肌」，他透露會在演唱會表露無遺，又笑言當太太袁詠儀看到其肌肉時亦會「Crazy For Me」！

Chilam解開衫鈕大騷「腹肌」，相當搞笑！

Chilam親自炮製爆谷，但忍唔住偷食。

Chilam（右三）與老闆蕭定一（右二）等齊齊出席記者會。

張智霖（Chilam）將於七月初一連三日在紅館舉行《CHILAM CRAZY HOURS LIVE 2014》演唱會，他昨日出席記者會時表示，正為個唱積極操肌，並即場解開衫鈕大騷「假腹肌」，令在場期待已久的傳媒報以噓聲，他大賣關子表示要到演唱會才把訓練成果表露無遺。而Chilam又發揮才子本色，親自負責今次演唱會的海報設計及創作部分，更親自炮製爆谷送給現場的傳媒朋友，寓意演唱會場場爆滿。

望克服畏高

積極為演唱會操Fit身形的Chilam表示，已經減了十磅，並已練到有5舊腹肌，問到有否人魚線？他說：「人魚線夠瘦就有o架啦！最緊要觀眾睇得開心，希望觀眾滿載而歸！」今次演唱會亦特意開設四面台，讓Chilam可落台與歌迷握手作近距離接觸，他又透露屆時會玩「高空作業」將台升高到燈的位置，又希望可以克服畏高。

提到上次演唱會操肌操到躁底，令老婆袁詠儀（靚靚）受罪，Chilam笑說：「佢醒目喺我操肌嗰時去咗拍劇！（拎囝囝出氣？）都唔會捨得啦！經過上次嘅經驗會好好控制情緒。」問到老婆會否到場支持？他說：「佢拍完劇點都要返嚟，返到嚟見到我（身形）應該會為我着迷，Crazy For Me！」