荷里活首席男星湯告魯斯（Tom Cruise）雖然已51歲，但一直被外界讚是「美魔男」。不過日前有小報指靚佬湯近期出席公開場合時「變臉」，懷疑幫襯整容醫生！靚佬湯上月獨自出席《Empire》雜誌舉辦的電影頒獎禮，有份出席的人士接受小報《Star》訪問時指他「包包面」，有目擊者更形容靚佬湯俊臉十足十一個脹卜卜的枕頭，又指現場所有人都不停談論靚佬湯變臉。

有整容醫生亦指靚佬湯腫面可能是因為最近注射Sculptra童顏針所致。