美版「忌廉哥」貓明星Grumpy Cat（暴躁貓）亦有現身頒獎禮行紅地氈，頭戴男歌手Pharrell Williams招牌高帽的牠，如常擺出「躁底樣」，獲一眾紅星爭相集郵，搶盡風頭，名嘴主持Conan O'Brien笑說：「天啊！我喺呢個圈做咗超過20年，第一次做騷畀隻貓睇！」令全場笑聲不絕。

此外，Conan邀得50名藝人為頒獎禮拍開場片段放笑彈，於片中除了與狄美摩亞（Demi Moore）做瑜伽及與大解中的阿當桑迪拿（Adam Sandler）握手外，又入休息室偷占士法蘭高（James Franco）底褲斷正，相當爆笑！