退居幕後數年的盧巧音（Candy）近日與新進組合Fabel合作，昨天為宣傳新歌到電台受訪，今次是Candy復出的第一首歌，她謙稱是新人，並有點緊張：「以前忙反而冇咁Focus喺音樂，依加入錄音室前一星期已經要做定功課先。」她更透露今年有機會推出個人的新歌，並拜託了Fabel為她寫歌。

再戰樂壇的Candy（左）與Fabel合作出新歌。

同場的Fabel則說：「Candy係我哋嘅偶像，被問到想同邊個合唱嗰陣，一諗就諗起佢，而且電子味重嘅音樂唔係個個都做到。」Fabel成員LoLo更指Candy提點他們：「Candy之前見我上電視成日向上望，所以教我要留意眼神。」