薛凱琪（Fiona）昨日與電台主持包括瑪姬、李霖恩及戚黛黛等拍攝節目，Fiona表示工作忙，最近更皮膚敏感，眼睛部位又紅又腫，雖然食藥食到心跳手震，但仍要「頂硬上」開工。

工作忙碌的Fiona坦言慢活對她來說是相當奢侈。

Fiona（右二）與一眾主持拍攝節目。

近日要同時兼顧電影和音樂工作的Fiona，昨日與電台主持拍攝節目，她說：「自己日常生活好緊迫，近來錄緊國語同廣東碟，又要為兩套戲做宣傳，聽日仲要飛北京做嘢。」因為工作忙而影響健康的Fiona透露近日患上皮膚敏感，眼睛附近位置又紅又腫：「醫生要我休息唔好化妝，又開咗藥畀我，但食到我心跳又手震，所以依家停咗冇食，原本有藥膏要搽，但日日都要做嘢冇得停，原本有個廣告要拍，依家都要延期。」

驚被指扮嘢

Fiona又坦言本打算不化妝，只戴太陽眼鏡工作，但擔心被人取笑「扮嘢」才打消念頭，工作排得密密麻麻的她說：「所以慢活對我嚟講係奢侈品，可能再過多五年，事業上唔使咁搏先得。」談到近日有指方大同會回巢華納，她直言有跟大同私下討論過：「我哋傾過都係得唔到結論，大家都未知咩動向。」