張繼聰在最新的代言廣告中赤裸上身晒肌肉，一身朱古力色的肌膚加上一排朱古力腹肌，Fit爆程度令拍攝團隊嘩聲四起！他表示零脂肪的身形全靠其教練及老婆謝安琪日以繼夜督促才能成就：「每日至少要操3個鐘，唔搵教練幫手真係唔得，控制飲食都好重要，要戒口，太太都體諒我唔可以成日出街食飯，又會搵啲健康材料煮嘢畀我食。」連囝囝亦不時出口術為他加油：「個仔成日鼓勵我同刺激我，出街時見到唔着衫嗰啲人會同我講『爸爸你大隻過佢』，有時又會講『爸爸你可唔可以好似佢咁大隻』，搞到我成個人即刻冧晒！」

努力操Fit的張繼聰，一身爆肌Look實在令人驚嘆！