兒童節目元老級主持譚玉瑛昨日為兒童節目《放學ICU》作最後一次錄影並出席簽新約儀式，正式告別32年的兒童節目主持人生涯！席間她簽了兩張合約，包括兒童節目的顧問委任狀及藝員合約，並由無綫非戲劇製作總監余詠珊一同簽署作實。

譚玉瑛姐姐（左）簽下新的藝員合約，並由余詠珊簽署作實。

譚玉瑛姐姐錄影最後一集兒童節目，獲老拍檔蓋世寶獻花。

譚玉瑛透露將加入節目《東張西望》做主持：「生活作息會唔同，係一種挑戰，唔應該同一個模式咁多年不變。（入息由9萬變8千？）我就想9萬！加減係秘密啦，不過對生活冇影響，總之OK。」她又表示會掛念兒童節目，但不會不捨：「又唔係離開公司冇得撈，公司都有尊重我意向，我做咩都開心。」而余詠珊亦大讚她在同一節目做了30年是一個創舉：「我哋好珍惜呢個Artist，同佢傾嘅轉變都係希望對佢好。（新約薪酬有冇影響？）完全冇，希望佢一、兩年後嘅生活再好啲添！」

另外，譚玉瑛昨日在電台訪問中大談與補習老師男友的感情生活，並自爆曾拒絕男友求婚：「一切如常，冇話要結婚。」