去年因合約問題而掀起不少風波的女星趙碩之（Wylie），最近以七位數字加盟新公司，並大騷36D導彈胸拍攝宣傳照，她揚言今年會大舉進軍影圈，性感冇底線！

趙碩之表示若果劇本適合，不介意作性感演出，挑戰娜姐的性感影壇嬌娃地位！

趙碩之（右三）與同門的古天祥（左三）開心合照，慶祝簽約新公司重新出發。

去年Wylie和大名娛樂因合約問題鬧出連串風波，沉寂近一年後，她終於搵到新東家，日前簽約新公司「拾星堂」並主攻影圈！眼見因為拍寫真集而彈起的周秀娜轉攻電影後吸金力強勁，身材比娜姐更澎湃的Wylie亦不甘示弱，希望今年藉性感冇底線的姿態投身電影圈，急起直追！

為了造勢，她拍攝性感宣傳照前做足收身準備，忍口並且狂做運動，務求以最佳狀態上陣！而於拍攝當日，Wylie毫無保留地大騷其36D魔鬼身材，其中一個造型更真空上陣，只以皮褸遮蓋雙峰！Wylie在現場大Show玉背及長腿，又露出大腿側的紋身，極之誘惑！

為拍戲性感到盡

簽約當日，Wylie獲同公司的古天祥及父親陪同。據知她以7位數字賣身3年，提到酬勞，她直言相當滿意︰「價錢唔錯，我一直渴望拍電影，早前參演嘅新片《冬戀望日》，入圍咗美國拉斯維加斯電影節『外國故事片』，覺得好開心！之後希望可以拍更多電影，同埋可以獲獎！」她在宣傳照上未有充分展露其深長事業線，但否認有意收起驕人身材：「唔會封胸，但唔係成日都要騷出嚟，適當時機露兩手，效果更好！如果遇到啱嘅劇本，我可以去到好盡，總知就冇底線！」