雨僑昨日為唱片公司旗下的卡拉OK舉行頭炮迷你音樂會，並請來好友王宗堯做嘉賓。獲公司安排頭炮演出證明受重用？雨僑表示因新碟將在這兩星期推出，所以公司有此安排。問到可擔心其他歌手不滿？她說：「唔會，其實我同HotCha未入行前喺大學係隊跳舞組合，後尾HotCha就簽咗呢間公司。（當時你冇份咪好傷心？）都有呀，佢哋都有安慰我，可能我高得滯，不過兜咗幾年我哋依家又喺番同一間公司，都好感動。（咁高唔好？）其實我唔係咁高，我着咗高踭鞋啫！」至於提到她當年的跳舞水準？她老實地說：「唉！咪係咁囉！所以當年咪返屋企彈琴囉！」

在音樂會上自彈自唱的雨僑大騷音樂才華。

雨僑特意請來好友王宗堯做嘉賓。