湯盈盈昨日出席兒童慈善活動時表示兒子未有同行：「我做嘢佢會好悶，有次我蕩失路，佢坐咗喺車一個鐘都冇喊。」此外，提到老公錢嘉樂最近在內地賽車勇奪冠軍，她坦言感到自豪：「老公知我唔鍾意佢賽車，只係隨便提過，佢之前喺訪問講過唔會再賽車，所以我聽到個心都跳一跳，佢話好安全，仲講笑話屋企預多個位畀佢擺獎盃。（以後唔畀佢賽車？）呢個係佢興趣，但我內心會擔心，但唔想做一個呢樣唔得嗰樣唔得嘅老婆。（老公有冇試過載囡囡唔記得咗而揸快車？）都會，佢會唔記得咗，佢講笑話想個女Feel吓飄移感覺。」

靚媽湯盈盈（右）和周家蔚提起子女就雞啄唔斷。

同場的周家蔚以低胸裝上陣，她指老公洪天明最近十分忙碌，少了時間陪她和兒子。她透露兒子14個月大，開始上Playgroup，又爆兒子不怕陌生人：「試過帶佢去睇踢波，佢一個人敢走埋廿幾人度。（怕唔怕佢畀人拎走？）有次拉姑抱走佢同班陌生人打招呼，我同天明離遠望佢，佢冇喊，又冇搵爸爸媽媽，佢唔覺得危險。」