歌手關智斌（Kenny）偕張致恒（Steven）及連詩雅（Shiga）昨日出席慈善跑步活動，經理人突然踢爆Kenny在橫店置業，搞到Kenny眼都凸，惟有承認：「唔識答喎！係買咗，一炮過，好平。」雖然他表示未有計劃掃貨等收租，但有意在北京或上海等地睇樓。問到有否欣賞過「密友」張敬軒的舞台劇全裸海報？Kenny表示即使要全裸上陣他也想做，又笑言軒仔今次簡直「脫」胎換骨！Steven聞言笑說：「好白滑！好想一嘢拍落去！」

一班歌手昨日齊齊出席慈善跑步活動，聲勢浩大！

至於穿超短運動褲的Shiga晒長腿，又自言最近愛上跑步，但擔心跑到腳粗：「我靠對腳搵食o架！」