呂慧儀老公黃文迪早前上載一張拖「黑甲女」的照片惹來小三疑雲，同公司的名模傅嘉莉（Kelly）更被指是「黑甲女」！Dickson昨日在微博暗示太太有喜，而Kelly昨日接受訪問時稱由於工作忙碌，很久沒有與他們見面，故不知Koni懷孕：「如果係真嘅話我好戥佢哋開心，同埋恭喜佢哋！結婚已經令人羨慕，有埋小朋友就更加圓滿！等佢哋正式同外界公布之後，我會親自恭喜佢哋同送禮。（你之前畀人傳係「黑甲女」，會唔會覺得甩難？）我從來都冇上過身喎！我同佢一直都係零可能！」身邊朋友結婚生仔，問到Kelly可羨慕，她坦言仍未有對象，生仔只能隨緣，又趁機宣傳：「我依家只係希望第二部出街嘅劇集收視好，呢個就係我第二個BB！」

Kelly得知Koni暗示有喜後立刻送上祝福。