無綫女藝員呂慧儀與老公黃文迪（Dickson）去年底爆出小三事件，令她心急生BB箍煲！Dickson昨日在微博暗示家有喜事，似乎終於成功造人！而大前日呂慧儀約友人飯局時改穿平底鞋兼滴酒不沾，做足準母親的準備！

Koni在Dickson陪同下離開，步出時還穿上大褸，步步為營。

Koni用餐時滴酒不沾（圖），上車返歸時又格外小心，暗露有喜端倪。

現時31歲的「長腳蟹」呂慧儀（Koni）與Dickson結婚逾兩年，眼見一同參選2006年港姐的冠軍陳茵媺及亞軍周家蔚已榮升人母，令喜愛小朋友的Koni非常羨慕。但去年底Dickson上載一對男女拖手相，爆出小三疑雲令她嬲爆，和好後Koni加把勁望以生BB箍煲，以免老公再惹桃花，昨日終傳出喜訊暗示生「蟹子」！

Dickson昨日在微博上載兩隻愛貓相片，並加上設計對白：「肥獅：『大佬，我都就嚟做大佬喇！』飛虎：『邊個講你知？』肥獅：『我偷聽到老竇講，唔會假啩？』飛虎：『叫你用吓腦啦肥仔，係多個主人呀！』」話有玄機暗示家中將添新成員！

Koni昨日接受電話訪問，被問到是否有喜？心情大靚的她笑說：「多謝關心！有開心事就會公布。（幾時？）快o架喇！四月就可以，老公都讚我身材好咗！」問到是否未夠三個月怕小器？她笑而不否認，並指由結婚開始已期待有BB，又說：「最近同阿Bob（林盛斌）、安德尊合作嘅節目《年代大激鬥》已經拍完，可以休息，做吓運動、按摩同睇中醫保健。（老公戒煙？）佢冇喺我面前食，好乖！（想生仔定生女？）女啦！可以同佢扮靚，仔都冇所謂！」

戒酒着平底鞋

其實大前日Koni已暗露有喜玄機，當晚約十時，她在中環與友人敍會，向來喜歡杯中物的她竟滴酒不沾，並開懷笑晒口，逗留個多小時後，Dickson前往迎接愛妻，Koni步出餐廳時即穿上厚厚大褸及拿着披肩，又改穿平底鞋，上車時更分外小心。另外，Koni上周錄影節目時明顯升Cup，身穿緊身衫甚有Big爆效果！