曾與鍾嘉欣傳緋聞的陳展鵬得知事件後，隔空安慰對方，還指她正行運，故不會有事：「其實唔係發生馬航事件，大家對搭飛機嘅感覺就唔會咁強烈，件事之後我都有少少陰影，但飛機意外少之又少，祈禱就會冇咁驚。」提到有傳撻着無綫小花唐詩詠，展鵬對此笑說：「都好嘅，唔使成日同嘉欣傳緋聞。」雖然否認搭上詩詠，但他讚對方是個好女仔：「佢演戲好好又好乖，都幾得人錫！（單獨約過？）冇！（有冇機會發展？）將來嘅嘢冇人知，可能第時再一齊拍劇，戲內戲外擦出火花。」

陳展鵬自言發生馬航事件後，對搭飛機留陰影。