藝人黃美棋、麥子樂和劉秉賓（Match）昨日在中學為電影《錯愛》開鏡，25歲的美棋在戲中扮演一名17歲學生妹，化淡妝穿上校服的她甚有童顏感覺！她自信地表示扮中學生不會尷尬：「再扮細啲做13歲初中生都得！（有冇膽同陳妍希比較？）冇呀！佢係女神級，我點都追唔上！」又踢爆飾演其初戀情人的Match拍拖手戲時很緊張：「佢拖我手時不停咁震！」而麥子樂透露在戲中飾演大明星，並追求長大後的美棋：「之後仲會搞大佢個肚。（有床戲？）有，不過未知尺度。」

美棋和Match穿上校服扮學生，與「大明星」麥子樂（左）合照。