公認是「超級波友」的譚詠麟和李克勤，宣布世界盃期間巡唱「收爐」一個月瞓身睇波，克勤更化身百分百孝順仔，自掏腰包請父親及外父去巴西觀戰，順便讓兩老親睹巴西女郎的熱帶風情味。

譚詠麟（左）和李克勤在台上切蛋糕，預祝DVD大賣。

「麟李」在台上與小朋友玩遊戲，為歌迷簽名之餘又不忘合照，表現既投入又親民。

阿倫和克勤昨日為「左麟右李十周年演唱會DVD」現身屯門舉行簽名會，大會找來兩名小朋友扮演兩人在演唱會內的造型，維肖維妙。他們表示剛完成廣州巡迴演唱第一站，由於反應良好，主辦商竟然連贈券都照賣，所以完成整個世界巡迴後，不排除會到廣州再開多場。

孖阿叻一起森巴舞

他們將於下月繼續展開各地巡迴演唱，但在世界盃期間則暫停，克勤說：「到時我同校長（阿倫）、阿叻（陳百祥）都會去巴西睇決賽同幫無綫拍嘢，一起森巴舞啦！」他還會帶同父親、外父及太太到當地睇波：「阿爸同外父都年紀大啦！帶佢哋去睇波，等佢哋睇埋森巴女郎囉！」問到可擔心巴西治安？阿倫說：「唔好亂出街就得啦！」

對於成龍在政協會議休會期間被拍到與政協委員宋祖英面貼面打招呼，因而成為網上熱話，阿倫表示成龍對朋友一向熱情，可能是場合關係才會令大家出現如此大反應，換轉其他場合應該就不會有咁大回響。