歌手雨僑、連詩雅（Shiga）及張子丰昨日出席活動，對於有傳簽約新唱片公司後踢走鄭融做「一姐」，雨僑說：「一定唔關我事，我啲朋友已經笑我係『雨姐』同『Umbrella Yu』，好核突！」

身穿連身裙的雨僑（左）明艷照人，搶去連詩雅不少風頭。

張子丰認為同女仔一齊散步仲浪漫過踩單車。

而剛從台灣返港的Shiga則被同事取笑春風滿面，她解釋在當地獲不少台男「抄牌」，笑言好似發夢，問到有冇機會發展？她說：「原來我仲有Market，但我好驚，所以冇畀電話！」

至於張子丰則自爆日前與馬嘉均拍微電影時險生意外：「我要載住佢踩單車，條馬路有好多車好危險，係咁NG呀！」問到有否試過載女仔，他笑說：「冇呀！反而我覺得行路仲好，可以留住浪漫嘅感覺！」