「宇宙最強」甄子丹昨日與老婆汪詩詩出席《寶馬香港打吡大賽2014》，提到汪圓圓懷孕期間感不適，詩詩表示有與妹妹分享佗B心得：「但反應同我好唔同，唔知點幫佢，我嗰時冇乜嘔，食得好開心。（佢瘦咗？）都健康。（仔定女？）太早，未知。」其後，她暗示圓圓未婚已懷孕：「個仔開頭唔明（圓圓佗B），訂婚嗰日返嚟問『Where's the baby？』，依家佢知道仲喺個肚裏面。」但口快快講錯「訂婚」時已有BB，因圓圓於去年1月已訂婚。記者指二人子女也喜歡小朋友，問到會否再生？詩詩即耍手擰頭，子丹則說：「依家咁忙，老婆又忙，睇吓點啦！」

汪詩詩和甄子丹指蔡加讚經常陪伴老婆圓圓，十分恩愛。

甄子丹（左起）與呂良偉夫婦齊齊拉頭馬。

同場的圓圓表妹湛琪清透露圓圓身體很好，問到會否心郁想生番個？她笑說：「有緣分先，依家放工作第一，屋企人第二。」她透露現有追求者，擇偶條件要對自己好和愛屋及烏，但一切都隨緣。

而「天氣女郎」黃婉曼表示未認真安排婚禮：「呢排好忙，可能臨急抱佛腳。」再自爆早前已買兒童馬車，暗示隨時準備做媽咪：「好得意！（有咗？）未，睇吓邊樣快啲，但又唔係咁好。」另外，昨日有份與子丹結伴拉頭馬的呂良偉透露也有興趣當馬主，並有意參加抽馬。