張智霖（Chilam）為友人於微博呼籲捐肝之餘，前晚他亦與太太袁詠儀（靚靚）及囝囝魔童，一家三口外出享天倫樂。當晚大約九時許，Chilam一家前往銅鑼灣行街，離開時靚靚拖住紮紮跳的魔童橫過馬路，Chilam則拿着大袋超市戰利品尾隨，與妻兒齊齊去攞車。

Chilam駕駛平治CLA45 AMG新車，帶囝囝魔童遊車河返歸。

靚靚安頓兒子上車後，獨自駕駛另一部越野四驅車離開。

靚靚拖住魔童過馬路，他邊行邊紮紮跳。

Chilam拿着大袋戰利品，與靚靚和魔童齊齊攞車。

其後靚靚帶魔童登上老公落地僅數月、約90萬元的平治CLA45 AMG新車，由Chilam帶囝囝遊車河返歸，而靚靚就步往附近，取回另一部越野四驅車離開，一家三口分開兩部車出巡，十分架勢。