王祖藍前晚帶同女友李亞男出席飯局，兼手抱姪女到場，即被取笑預演「一家三口」，相當溫馨！不過忙爆的祖藍表示要九月才有時間跟女友返加拿大見家長，但講明不會閃婚。

抱着姪女的祖藍露出一臉慈父的溫柔，旁邊的女友亞男則冧爆傻笑。

患上感冒的定欣一臉倦容，看來要多點休息了。

劇集《食為奴》演員王祖藍、黃智賢、胡定欣、何雁詩及陳嘉佳等前晚到西貢飯敍睇大結局，祖藍帶同女友李亞男兼手抱姪女到場，即被其他演員取笑預演「一家三口」，嘗試做父母的滋味。祖藍又大方抱着姪女接受訪問，期間亞男叫他的姪女做出嘟嘴及皺眉等表情，小朋友都毫不怯場照做，果然似足祖藍甚有演戲天分，相當趣致！

祖藍表示近月相當忙碌，接連為幾部電影宣傳，至九月才有時間跟亞男返加拿大傳福音，問到屆時會否見家長？他說：「一場去到，唔會唔見咁冇禮貌。（提親？）未知呀！但傳福音最緊要，神係第一位。（閃婚？）一定唔會，睇結局都擺三圍，到時實大事鋪張啦！我唔會收收埋埋。」他又指劇集收視不俗，即使在賽馬日也有31點收視，網上點擊總數更高達二億四千萬次，有助他提升內地人氣。而最近獲邀到東北地區為喜劇比賽擔任評判的他，會跟杜汶澤及吳孟達等同台。

定欣恨內地搵真銀

至於胡定欣戴上黑框眼鏡略帶倦容，原來是患上感冒，她表示很高興劇集在內地反應甚佳，提議眾演員組隊闖內地登台搵真銀：「我哋好多演員都唱得！我就OK啦！（帶挈你近排多咗騷？）其實今次我戲份唔算多，當係一個Team Work咁一齊接，已經好好。」