名模熊黛林（Lynn）昨日性感出席活動，其黃色長裙與緋聞情敵苟芸慧日前與郭富城出席活動時所穿的服裝同色，Lynn指冇留意苟姑娘的服裝，又指不介意苟姑娘與城城一齊出活動。城城讚苟姑娘女神，問到有否讚過她？Lynn說：「我好多人讚過，如果早知今日白色情人節，就早啲搵個人讚我，淨係讚我，淨係鍾意我一個。」

Lynn指冇留意苟芸慧出席活動時所穿的服裝。

另外，有指城城在Instagram結識十八個模，Lynn表示自己是初哥，只關注了五十個朋友，但不知道城城有玩。問到會否關注對方？她說：「關注咗我嘅朋友先啦！（佢Add十八個模好濫？）嘻嘻，唔知點代佢答，人哋加咩人，冇得講，最緊要有娛樂作用。（佢識啲女仔愈嚟愈後生？）呢啲唔係我理嘅事。我鍾意啲心態成熟嘅人，唔通六、七十歲人仲細路仔咁咩？」