Eason月使百萬呻做唔番自己
天王唔易做，孭起成頭家的陳奕迅每月要花百萬元供「億元豪宅」及應付巨額生活開支，更傳因壓力爆煲而患上躁鬱及人群恐懼症。近年表現「失常」的他昨晚在澳門開騷時發牢騷呻辛苦：「做唔番自己！」
Eason邊唱邊跳之餘，不忘發牢騷！
危站30呎高台
澳門騷三面台爆滿，Eason站在三十呎高台勁歌熱舞，更冒墮台之險到台邊向歌迷揮手。
玩踢腿
Eason在台上彈彈跳玩踢腿。
自彈自唱
雖然Eason笑言買飛時冇包彈結他，但都落力地彈奏。
老婆捧場
徐濠縈帶埋囡囡及老爺捧老公Eason場。
陳奕迅（Eason）去年花2.31億元購入南區Shouson Peak獨立屋，即使已付一半首期，月供都要60萬元，加上個人工作室、太太徐濠縈及囡囡康堤的生活費及教育費，以及父親陳裘大的醫療費等，保守估計每月開支逾百萬元！為應付巨額開支，他去年7月以香港為首站展開巡迴演唱會，之後曾到澳洲、馬來西亞、英國、法國、台灣、加拿大及泰國等地巡唱撲水。
昨晚Eason到澳門繼續開騷，三面台全場爆滿，老婆徐濠縈、囡囡及父親陳裘大捧場。演唱會的歌衫及Rundown跟香港站不同，除新做歌衫外，又加插多首國語歌，期間他站在三十呎高台上勁歌熱舞，更冒墮台之險到台邊與歌迷揮手。當他唱到熱爆歌《富士山下》的國語版《愛情轉移》時，歌迷以為他唱《富士山下》，表現失望，想不到他在最後一段即改唱《富士山下》歌詞，掀起全晚高潮。
壓力係咪好大？
一口氣唱了廿多首歌後，Eason才開金口：「你哋工作壓力係咪好大？之前同李克勤講開，你哋知唔知邊個李克勤？」歌迷表示知道，他隨後便開始發牢騷：「嘩！好難講㗎呢個世界，唔知點解啲人覺得我識晒娛樂圈嘅人，有人叫我整兩張王菲嘅飛嚟吖，其實我唔識佢，我只係同佢同一個經理人。」現場歌迷即「哦」他，擔心他又說錯話，他即笑說：「香港人特別敏感，一講咩就『哦』，所以我頭先唔講嘢。」其實早於2011年王菲為給前夫李亞鵬驚喜，特意請Eason合唱《將愛情進行到底》主題曲《因為愛情》，當時Eason表示能跟王菲合唱興奮到「驚叫」，看來Eason只是呻吓而已！
彈歌迷狀態唔掂
Eason繼續呻：「呢幾年真係好辛苦，做唔番自己，我咩都講得好直接，你間嘢難食，話之你咩酒店！」然後又突然轉問歌迷認識他幾多年，又彈當晚的歌迷狀態「唔係幾好」，欲言又止：「知唔知我幾時講笑、幾時講真，其實我一直都講笑，我唱歌時認真，講嘢時就講笑。我哋冇緣分，今日狀態唔係幾好，唔係我，係你哋，算啦！唔講嘢好啲。」他又稱與歌迷距離很遠：「我行遠咗，你跟到我時再講，你哋啲飛價錢包我唱歌唔包我講嘢。」之後開玩笑說：「買飛時冇包我彈結他，走時有人會問你攞錢，五蚊位係咪好抵？我講咗嘢喇！講嘢唔代表有意思。」之後唱完《我的快樂時代》及《重口味》後，表演圓滿結束。
