歌手朱紫嬈（Khloe）早前與家人到泰國蘇梅島旅行，首次到當地的Khloe大讚此行非常舒服：「落飛機已經覺得好有度假嘅感覺，環境舒服，酒店又靚！」Khloe透露與父母、哥哥及阿嫂同行：「有十幾年冇同父母去旅行，加入娛樂圈後真係冇乜時間，加上父母都忙！」

大飽口福的Khloe吃盡街邊美食，唔知有冇增到磅呢？

蘇梅島景色怡人，飲緊椰青的Khloe不忘把握機會留倩影。

食盡當地美食的她無懼肚痛，盡歎街邊串燒：「一場去到冇理由唔試吓，同埋見唔係好污糟，不過真係幾好食！」講到食，Khloe即興奮地滔滔不絕：「平時好少飲椰青，呢次旅行日日都飲，因為去到邊都見到，加上價錢合理。」問到為何不見緋聞男友洪杰？她說：「今次係家庭聚會。」