自小對動物有興趣的Mandy Lieu師妹Melanie Z.，於大學時期修讀昆蟲學，閒時最愛在家中做昆蟲標本的她主張不殺生，盡量選擇已死的昆蟲作標本，認真愛心爆棚！

偏愛用蝴蝶做標本的Melanie，自有一套「珍藏」心得。

Melanie事前會到公園搵定「材料」，她指任何昆蟲都可用作標本。

主張不殺生的Melanie，只會找已死及完整的昆蟲做標本交功課。

風乾4部曲
首先用大頭針拮在蝴蝶結偏右位置，方便處理。

慢慢用針將蝴蝶的翼展開，切記不要用手，因為會令蝴蝶甩色。

再將另一面的蝴蝶翼固定好，做好定型！

待風乾兩至三小時後，便大功告成。

Melanie大方分享做昆蟲標本的心得。

熱愛瑜伽的Melanie同時主張素食，生活健康。

模特兒Melanie Z.自幼便對動物產生濃厚興趣，但因母親容易敏感的關係，故不能養貓及狗。自小居於美國的Melanie家中擁有無敵大花園，故早已見慣大大小小的昆蟲，她說：「以前我屋企個花園有好多昆蟲，我捉咗佢哋媽咪就唔會敏感，所以對對吓就好有興趣。」而Melanie讀大學時亦是主修昆蟲學，她說：「我大學揀呢科都係因為有興趣，其實我咩動物都鍾意，但想集中番係昆蟲，不過就冇計劃畢業之後做啲乜！」

貴「生」不貴多

修讀昆蟲學的基本功課便是將昆蟲造成標本，但主張不殺生的Melanie表示會找已死的昆蟲做標本：「我主張執啲死嘅，但因為唔係成日遇到啲死，所以我嘅珍藏唔係好多，因為我唔想殺生。（執咩多？）都係蝴蝶啦！不過我知做呢一行嘅人都會有個收藏展，佢哋就係捉啲生嘅昆蟲，但我唔想咁樣做囉！」

在眾多的昆蟲中，Melanie指用蝴蝶做標本最為困難，因翼的部分容易受傷，故要小心處理：「蝴蝶上面有燐粉，如果用手掂就會甩色。平時我都係用大頭針去固定，不過要注意唔可以拮中間，因為佢咁樣就唔平衡，就唔會Keep得耐。同埋最緊要係快手，因為佢2至3個鐘就會乾，所以撐開個翼等佢乾就搞掂。」Melanie坦言收藏非常簡單，只要夠通爽便沒有問題：「其實都唔麻煩，但因為香港太潮濕，所以要畀啲空氣佢，唔可以用個盒裝住佢。」

非「成」勿擾 要乸唔要仔

Melanie溫馨提示大家，如果要捉昆蟲做標本，一定要捉「成年人」，不能捉「年輕人」：「我哋有個規則，就係唔可以捉年輕嘅昆蟲，要捉已經成年咗嘅。如果佢係女性嘅話，就要確保佢唔可以有BB，同埋已經係生晒BB出嚟。」

瑜‧素‧者

除修讀昆蟲學外，原來Melanie亦是一位瑜伽愛好者，熱愛瑜伽的她更已考取瑜伽教練資格，並開班授徒。而一向茹素的她更不時會親自下廚，將素食文化推廣出去。