劉嘉玲有份投資的家品店昨日舉行活動,老公梁朝偉現身撐場。偉仔透露暫時未有Feel開工,認為做演員每次拍畢電影便須休息一段時間,想練聲同學跳舞功夫。談到入圍金像獎爭影帝可有信心?他笑說:「當然希望得獎,因為呢五年真係好辛苦、經歷好多,得獎係對成個團體嘅一種鼓勵!」有指張家輝呼聲甚高,偉仔認為全部都是對手。

老婆嘉玲(左二)有份投資的家品店舉行活動,偉仔(右二)做老公又點會唔撐!

問到嘉玲有指其好友趙薇有意撮合王菲及謝霆鋒?她直言不知情:「唔知亦唔識講,但呢個世界乜都會發生,成隻飛機唔見咗成個禮拜都搵唔到,所以唔會覺得出奇,一日未死都有新聞聽。(咁你想阿菲快啲搵到個伴?)佢一個人幾好呀!兩個人有兩個人嘅開心同唔開心,總之自己開心就得。」