「筍盤」馬國明與許亦妮等前晚錄影戒煙節目，頭戴啡色假髮現身的馬明被嘲酷似「唱好女人」歌手張偉文。而身為戒煙大使的他又指不會揀「煙民」做女友：「唔經濟又傷身！」

戴假髮上陣的馬國明激似張偉文，應該約埋去「唱好女人」。

張偉文

許亦妮（右起）扮大肚，糖妹變身BB，咁阿Bob應該要扮執媽先得。

何雁詩以學生妹打扮上陣，呃得吓人喎！

無綫小生馬國明（馬明）前晚錄影戒煙節目，身為戒煙大使的他以深藍色西裝「官仔骨骨」亮相，可惜一身型Look被所戴的啡色假髮所破壞，甫出場即被記者笑指激似歌手張偉文，但向來「玩得」的馬明十分大方，更從容面對「惡評」。提到戒煙，本身並非煙民的他打算勸朋友戒煙，他說：「叫佢哋食少啲，食煙又唔經濟又傷身。」

期待靚女拍檔

若然揀女友時發現對方愛吞雲吐霧會否減分？他即揚言不吸煙是做其女友的條件之一：「會減分！因為我全家都唔食煙，唔食煙係條件之一，如果佢戒煙都OK。（之前有冇女友吸煙？）冇！」他又自爆目前正趕拍劇集《官場浮世繪》，又會與周麗淇拍另一新劇，笑言首次與對方合作，期待與靚女開工。與鄭嘉穎稱兄道弟的馬明被指與前「阿嫂」合作時，他即說：「拍嘢啫！係咪阿嫂冇所謂，拍劇啫！依家同楊怡拍，佢都係『阿嫂』啦！」

許亦妮恨生仔

同場的女藝人許亦妮則罕有地密實登場，以「大肚婆」造型現身的她自嘲「谷肚唔谷胸」，又自爆想30歲前生BB：「依家25歲，想有仔趁嫩生。（做未婚媽媽？）唔得！要有對象先。（想生幾個？）龍鳳胎！之前同每一個（男友）都想結婚同有小朋友，大家都想先會生，領養小朋友都得。」