名模Ana R.和姚書軼(Mikki)昨日齊為MARC JACOBS 2014年春夏系列發布會擔任模特兒,Ana表示知道昨天是白色情人節,晚上會跟老公食飯慶祝,問會否順便造人?她說:「No!下年先啦,今年冇計劃。」問有沒有探望剛為人母的名模好友Cara G.?她坦言未與產後的Cara見面,但見過Cara囡囡的照片,大讚漂亮:「我覺得每一個BB都好靚,佢哋味道好香,佢嘅笑容係發自內心。」她若然懷孕,會想先生仔,因為囝囝可以保護妹妹。活動開始前,Cara與丈夫Jesper及囡囡恰巧路經活動場地,但當時Ana未出場,以致緣慳一面。Jesper用孭帶孭住熟睡中的囡囡,期間還親吻她。由於囡囡出世時曾一度轉入ICU,問到現時情況如何?Cara笑指囡囡很好,是一個健康寶寶。

Mikki(左)和Ana R.齊齊擔任模特兒,示範新裝。

Jesper用孭帶孭住囡囡,與老婆Cara現身上環。

此外,Mikki被問到白色情人節會否感到孤單?她說:「講呢啲?心碎呀!我依家唔係好Lonely,養咗隻貓叫Water。都有同男仔食吓飯,有啲食幾次飯又覺得麻麻哋,有緣未必有分,緣分好難得。(要求太高?)一定唔係冇要求,但唔係好高。」訪問期間她不停咳嗽,她強調是對貓敏感,但很愛Water,故咳死也不會放棄牠。