徐子珊和吳啟華昨晨到海洋公園拍攝劇集《再戰明天》，劇情講述子珊因憶起童年陰影，最後在旋轉木馬上暈倒在啟華懷裏。適逢昨日是白色情人節，子珊甜爆表示現在有圈外追求者，但還未曾單獨約會：「都係成班朋友一齊食吓飯，想睇清楚啲，了解多啲先。（暫時對佢感覺OK？）OK就結咗婚啦！其實未啱Timing，要拍劇就要有取捨，冇計！」

徐子珊和吳啟華玩旋轉木馬時十分開心。

徐子珊昨日拍攝暈倒在吳啟華懷裏的戲份。

而「大男人」上身的啟華則Cool爆表示，不會越洋致電在北京的老婆表示愛意，亦不怕她「詐型」：「話之佢！（掛住佢？）唔掛！（北京空氣質素差，擔心佢健康？）佢得喇！同佢講咗，但佢要堅持留喺北京，都幫佢唔到。」他又透露拍畢此劇便研究劇本及籌備成立個人工作室：「演員好被動，想拍啲似樣啲嘅嘢出嚟！（自己做主角？）啱就做，唔啱就做幕後。（女主角會考慮子珊？）會呀！佢好好，好專業。」子珊亦希望啟華帶挈搵銀。