去年結婚的李蕙敏（Amanda）即將舉行個人演唱會，問到開騷時會否跟外籍老公Serge Micallef在台上行禮時，Amanda即耍手擰頭說：「唔好啦，佢會搞事o架！」。

Amanda喜歡着靚衫，難怪被稱「樂壇時裝精」。

Amanda很欣賞麥當娜，卻不希望變成GaGa。

Amanda笑言老公Serge Micallef識得哼她的歌。

Amanda與陳振安暢談衣着心得。

歌手李蕙敏（Amanda）去年底下嫁外籍老公Serge Micallef，成為幸福少奶奶！下月即舉行首個個人演唱會的她上《東網》娛樂onShow時，難掩興奮心情！主持陳振安問到開騷時，會否跟老公上台行多次禮，她即尷尬地說：「唔好啦，佢會搞事o架！」

雖然Amanda指老公很調皮，不過卻透露平日會與老公傾音樂，而最搞笑的是，他竟能認出Amanda所唱的中文歌：「由於我練歌練得多，所以佢會認得我幾首歌，佢有試過哼我啲歌，但就唔識歌詞。」

唔學Lady GaGa

此外，Amanda身為樂壇時裝精，開騷時定必穿不少靚衫，陳振安問：「我細細個睇你演出時，已經覺得你着到好似麥當娜咁，唔知你依家會變到乜嘢境界呢？會唔會變到好似Lady GaGa咁呢？」Amanda說：「麥當娜係我好欣賞嘅歌手，但就唔會隨着Lady GaGa嘅興起而變成佢，希望我會係Lady Amanda啦！」如果想知道Amanda更多消息，就一定要留意娛樂onShow！