愛美是女士天性，創作女歌手AGA亦不例外，入行當歌手前任空姐的她，原來曾在護膚品品牌効力，對日常護膚及挑選合適產品素有心得，還介紹「Honey」畀大家！

AGA落手落腳調製啱自己用的護膚品，有板有眼！

AGA

屬乾性皮膚的AGA，對護膚有一套心得。

近日天氣容易令皮膚乾燥，AGA甚有體會：「自己皮膚係屬乾性，以前做空姐成日飛，機艙濕度低，所以皮膚更加差，最勁時要連飛幾轉，塊面會唔上妝、浮晒上面，個樣都嚇人。」她表示乾性皮膚首要保濕，敷Mask是最快捷的方法，不過種類選擇方面要留意：「我建議偏乾皮膚最好唔好揀Paper Mask，因為如果唔小心瞓着咗，塊Mask會反過嚟抽番乾面部水分，我試過唔小心瞓咗，起身後塊面仲乾過未敷，所以我建議大家用Gel或者Jelly Mask，例如韓國出嘅蝸牛Mask都可以揀。」

用自家製護膚品

AGA坦言自從不用周圍飛後，皮膚狀態已好轉，但仍未算滿意：「依家仍然係偏乾，因為成日寫歌寫到好夜先瞓，但好在可以一邊敷Mask一邊寫歌。」

除了面膜，AGA會用自家製護膚品：「有朋友教我用原味乳酪敷面，試過覺得幾好，比較天然同潤，可以好好保濕。」她又介紹蜜糖護膚：「用天然蜜糖敷面係超潤，我同媽媽成日試，雖然會『黐立立』，但對乾性皮膚好好！」自言喜歡天然成分產品的她解釋：「護膚品內嘅香料都係冇用，只係吸引大家買嘅方法，所以我會用純天然產品，唔需要香味同顏色。」