「索爆人妻」陳爽雖然覓得好歸宿，不過她亦會擔心姊妹們的姻緣運，除了想李亞男成為下一任人妻外，對於單身的陳法拉亦充滿信心。而談到生B計劃時，自言唔急的陳爽自爆被圈中「星爸」錢嘉樂和洪天明催生B，真係皇帝唔急太監急！

陳爽未有生B壓力，一切順其自然。

陳爽嫁得好老公，當然都想好友得到幸福！

一班姊妹中，陳爽最希望李亞男趕快成為人妻！

前華姐季軍陳爽除擁有一個好老公外，人緣亦相當好，擁有不少朋友。問到最想哪位姊妹加入其人妻行列？陳爽笑說：「我啲姊妹就算未嫁都名花有主，例如李亞男咁，其實我曾經同佢講好想做你姊妹！」不過談到單身的朱璇時，她說：「我唔擔心佢，因為已經放棄咗佢！我同老公都介紹過好多男仔畀佢，但見咁多個都冇反應，搞到啲兄弟有相思病！」

陳爽與陳法拉分屬好友，雖然法拉已回復單身，不過陳爽稱不擔心她：「依家法拉係着重事業，如果佢嗰一刻係想拍拖，應該好快可以搵到男朋友，但依家呢個時間，佢想喺事業上做多啲嘢。」

被催生B冇壓力

此外，陳爽自言現時才30歲，對生B冇壓力，不過早前她開工期間，卻被兩名「爸爸級」演員催她生B：「之前錢嘉樂、洪天明成日一見到我，就拎住啲BB相不斷同我講：『阿爽呀！BB帶畀你嘅嘢係乜都代替唔到！』反而係佢哋呢班爸爸叫我生B，所以真係好好笑！」