主要參與靈異題材節目的林熹瞳（Rachel），宣布新片《屍骸之路》是其靈異題材的句號：「呢套係我靈異電影告別作，金盆洗手！喺電視台做咗二百幾集節目，電影都拍咗三套，斷斷續續拍呢類題材都四年，呢方面經歷已經好夠，做得多呢類厭惡工作，身心都唔舒服，我需要休息，唔想愈做愈唔開心，好似今次我哋去咗一個有二百幾具嬰屍被遺棄嘅地方，覺得唔開心，唔明呢啲被墮胎嘅嬰兒，點解死咗都要畀人咁處置，點解人命咁賤？咁唔受尊重？我哋又去咗拍攝『嫖屍』，原來世上有人認為同死屍發生關係，可以採陰補陽，真係好挑戰我嘅道德底線！」

林熹瞳近年參與不少靈異電影及節目。