「九阿哥」奸出汁黃建東又愛又恨

在《食為奴》中飾演毒殺父皇的奸角「九阿哥」後，黃建東（Derek）引來網友抨擊，更留言「想摑佢幾巴」，雖然Derek原先的設計就是要演乞人憎的「九阿哥」，但排山倒海的負評，令他受「靶」若驚，他說：「我自知個樣唔討好，所以想行奸角條路，都知唔易行，但冇預計網友會咁多負評，話我樣衰、做戲誇、仲話『你長成這樣，你媽知道嗎？』入行以嚟首次咁多人講我，但咁多負評，有少少唔開心。（寧願被當透明定被人負評？）藝人介意人點睇，但更加唔想被當透明，我知自己啲演技係誇咗，可能我容易緊張，會不自覺將以前受過嘅舞台訓練用嚟拍劇，今後我會搣甩呢樣嘢，希望有朝一日觀眾會接受我，唔鍾意嘅只係我演嘅奸角，唔係『黃建東』呢個人！」