黃智賢拍劇時先後獲安排與萬綺雯及胡定欣有場車輪咀戲，旁人以為他艷福無邊，但實際上有苦自己知，他更揚言最怕就是拍咀戲！

黃智賢笑指拍《食為奴》的感情戲時，令他勾起初戀感覺。

黃智賢

入行多年的黃智賢原來最怕拍咀戲。

黃智賢艷福無邊，於劇中與胡定欣有咀戲。

演出經驗豐富的黃智賢在劇集《食為奴》中艷福無邊，當中一場要車輪咀萬綺雯及胡定欣，但他笑言吃不消，直指拍咀戲一點也不好受，他說：「拍戲咁耐最怕拍床戲同咀戲，覺得好尷尬，戲裏面同萬綺雯、胡定欣都有咀戲，拍攝時仲有輪住咁咀，真係好尷尬！好彩大家都好專業，一埋位就OK。」

黃智賢又自爆拍攝時老貓燒鬚，他說：「嗰場戲錫到甩鬚都唔知，之後繼續拍其他戲份，後來到第二日先發現，好唔好意思咁要花多三、四個鐘補戲，但好彩係咀戲唔使再補拍，唔係就尷尬！」

過足皇帝癮

劇中黃智賢對萬綺雯一往情深，他笑說：「近年少拍一啲談情戲，今次講我同萬綺雯嘅情係好單純，開工嗰陣，自己都諗番初戀，勾起以前拍拖嘅感覺。」

在劇中可一過皇帝癮的黃智賢，原來十分喜愛清朝康熙與雍正兩位皇帝，亦看過不少相關電視劇，今次能置身「其中」，他說：「開劇前都再翻睇《雍正王朝》、《步步驚心》參考，喺屋企自己練習吓，點樣先可以做得似一個皇帝，有皇帝嘅氣派。」