萬綺雯於《食為奴》首度與黃智賢（Ben）結緣，大讚他細心。對於被指是執三攤演出，她表示不介意，而即學即拍動作戲時，她認為最重要是對拍檔有信心。

萬綺雯冧爆表示老公給她自由度甚高。

萬綺雯

有玩體操底子的萬綺雯，拍動作戲甚快上手。

萬綺雯與王祖藍於《食為奴》再合作。

凍齡美魔女萬綺雯（蚊蚊）在《食為奴》中，與《老表，你好嘢！》的王祖藍、張繼聰及林盛斌等合作，與有感情線的對手黃智賢（Ben）則是首結劇緣，她說：「當然想好似上次咁好收視，但唔會有太大壓力。阿Ben係首次合作，佢個樣好嚴肅，實則搞笑又細心，喺橫店試過幫我出去買嘢食，買咗粟米、蛋餅同豆腐，但我邊食得咁多？後尾蛋餅太鹹、豆腐變壞，最終只食到粟米，如果佢唔係買三樣，可能我冇嘢食！今次有好多動作戲，係即學即打，好在中學有玩體操同彈床，好快攞到個感覺，但有場同張繼聰耍功夫，好多甩漏，差啲打中臉。（唔驚破相？）拍戲要信任對方，如果唔係仲牙煙。」

最緊要有火花

有指蚊蚊的角色是繼陳法拉、鍾嘉欣後才「執三攤」演出，她沒有介懷：「呢行成日變來變去，唔同人做有唔同效果，最緊要擦出火花，我只關心點做到最好！（老公陳十三點評你演出？）佢會關心我動作戲安唔安全？其餘就任我自由發展。」