楊千嬅昨日以全球首位代言人身份，與王敏德女兒王曼喜及羅霖等出席Estee Lauder旗下品牌Osiao活動。她透露兒子早前發燒而冇覺好瞓：「搞唔掂！要抱住佢瞓，佢又鼻敏感，寧願病嗰個係我！」她稱將要宣傳電影及離港工作近20天，故要好好珍惜現在與兒子相處的時間：「佢依家唔捨得我多啲，一着鞋、攞袋就知我出去，拎埋篋即刻喊添，好醒！要同佢交代去邊！（將來停工全職照顧囝囝？）唔會，大個唔會理我，唔會黐住媽咪，依家珍惜吓，大個識異性o架喇！」

兒子發燒又鼻敏感，令千嬅擔心不已！

眼腫腫的曼喜表示活動舉行得太早，提到與外籍女友人於街頭咀嘴一事，她指是角度問題：「影到好似個嘴掂到，媽咪好開通，同女仔拍拖冇問題。（鍾意女仔唔介意畀人知？）唔介意，鍾意一個人係睇性格同心地。（雙性戀？）我唔會Label（標籤）呢樣嘢！」而羅霖被問到是否準備迎接第二春時說：「都可以開始！」