官恩娜（Ella）昨日在尖沙咀出席活動，愛上騎馬的她希望有多些朋友陪她一齊玩：「我都慫恿咗兩、三個女星同我一齊騎，第時去旅行騎馬都有人陪吓我，費事得自己同隻馬，成個成吉思汗咁！」

官恩娜即場跑步畀你睇！

騎馬需要腳骨力，Ella坦言為了騎馬不惜放棄一雙美腿：「騎馬後我對腳健壯咗好多，不過唔驚腳粗，為咗鍾意嘅運動，我寧可犧牲對腳！」她笑言不怕被男友嫌棄腳粗：「如果個男朋友因為你對腳健壯咗就拋棄你，咁我會先拋棄佢囉！」她又大爆入行前因為貪靚，家中竟然一對波鞋都冇：「我以前淨係鍾意着高踭鞋，連去沙灘都係着高踭鞋，係呢幾年先開始鍾意着波鞋咋！」