宣萱昨日到銅鑼灣錄影now觀星台節目《Vinci's Code》 ，對於與鄰居因座駕泊位爭拗，她說：「諮詢咗警方，備咗兩次案，會就粗言穢語方面有嘢跟進。（搬？）唔會，呢件係大事咩？佢覺得係囉！呢個世界乜人都有，去到邊都會遇到。我都係第一次接觸呢種人，真係大開眼界！（擔心人身安全？）呢方面有啲嘢做緊，其實接觸到唔同類型人士都好，第時要演呢類角色都知點演，但啲粗口可能出唔到街。」

宣萱對與鄰居爭拗一事大感苦惱，卻表明不會搬家。

對於獲歐陽震華及陶大宇力撐，宣萱說：「好多人覺得藝人好恰，拎部手機出嚟拍片，要挾打畀報館，想個藝人發惡，又話『明星大晒呀』，我根本冇講過，呢種思想好錯，外界有腦都應該識分析，我好得閒擺兩部車出嚟咩？我好忙o架！」